INZEGO Z UBUYOBOZI MU MURYANGO W ABASAVERI N IBIMENYETSO BIRANGA BURI RWEGO

Umuryango w abasaveri ni umuryango wigenga ufite inzego z ubuyobozi zitandukanye kuva mu bato kugeza mu bakuru ariko kuba ukorera muri kiliziya gatorika  twemera nku mubyeyi ,twemera kugirwa inama n’abasaseridoti n abandi bihaye Imana arinayo mpamvu tugira ba omoniye cyangwa abajyanama (abafrere cy ababikira)

Twakwibutsa ko bafite ububasha n uruhare bigaragara mu muryango ariko batakwitwaza ngo biharire ijambo ntakuka ku byemezo u muryango

Buri rwego rw ubuyobozi guhera mu mutwe rugira inama igizwe n abatware/kazi na omoniye bose bafite ijambo ringana mu byerekeranye no gutanga ibitekerezo no gufata ibyemezo.

Mu miyoborere y umuryango w abasaveri nkuko bigaragazwa ningigo ya gatatu art 3 y amategeko rusange-shingiro agenga imikorere y umuryango w abasaveri ,buri gihe abakobwa n abahungu bakora babangikanye ariko kandi batandukanye ,ibi bivuga ko abakobwa cyangwa se abahungu buri gice gishobora gufata ibyemezo bijyanye n urwego rwabo,nyamara byose bigomba gukorwa bitabangamiye ubwuzuzanye.

Umutware/kazi

Umuyobozi mu rwego runaka rw umuryango tumwita umutware/kazi.birakomeye cyane kumva iri jambo no kuryitwararika ndetse biba ngombwa mbere na mbere kuba yiyemeje kuragira intama z Imana.ni umutware kuko ari mu kigwi cya nyirazo.uhawe kuyobora abasaveri/kazi rero ni umutware/kazi kuko ari mu kigwi cya Yezu kirisitu.ni mwumve namwe ukuntu agomba kuba ameze aba ari umukirisitu ,agatanga urugero rwiza mu bo ayobora,kuba akuze,kugira umutima w impuhwe no kurera kandi akiyumvamo ko ari umugaragu w abo ayobora aho kuba umutegetsi wabo.

Umutware /kazi mu ntera y Abishimye

Uyu ayobora abana bato cyane.agomba kwicisha bugufi kugira ngo adatera abana icyugazi,kumenya no gukunda uturirimbo n’udukino ,bityo akababera umubyeyi

Umutware/kare mu ntera y Intwari

Muri uru rwego abana baba batangiye guhumuka ,bashaka gukora ibyo batekereje mbese bivumbiriye ,byaba byiza ubayoboye abaye nka mukuru wabo akabareka mu bushakashatsi bakora ariko akabubafashamo akajya inama nabo mu bikorwa byabo.

Umutware/kazi mu ntera y’Abanyeshyaka

Aba ni abantu bakuze pe !umutware/kazi wabo agomba kugira icyo abarusha mu bikorwa ndetse no mu myitwarire,bituma agira agaciro n igitinyiro imbere yabo,agomba guhora yihugura kandi ashakisha uko abo ayobora bagira ubuzima bubakwiye.kenshi yirinda gutanga amategeko ako kanya ahubwo ayatanga mu kiganiro asa n ubagisha inama mu kubereka ikigenderewe,akamaro gifite mu buzima bw Abanyeshyaka.

Ku rwego rw Abasaveri bakuru

Aha umuntu yagira ati ninde utari umutware/kazi ?bose barakuze ,babaye mu ntera zibanza,bazi icyo gukora mu basaveri mu bukirisitu ndetse no mu ngo zabo.Kimwe n ahandi umuyobozi wabo aba agomba kugira icyo abarusha haba mu bikorwa,mu myitwarire,mu bukirisitu ndetse no kujijuka.mu bayobora kenshi hifashishwa ingingo zigize ubuzima bwacu muri rusange

Omoniye (padiri) si umutware/kazi, si umubitsi,si umunyabintu ahubwo ni umujyanama .umurimo we w ingenzi ni ugutanga uburere bwa roho ndetse n ubwa kiliziya .ntabwo kandi ari umuntu wo hanze mu rwego akoreramo,afite uruhare rwuzuye nk umutware/kazi ,ndetse akaba umwe mu ba ngombwa ugira uruhare mu byemezo bikomeye bifatwa mu rwego akoreramo.umutware/kazi ntafata icyemezo gikomeye adahari,kimwe n’uko Omoniye adafata icyemezo gikomeye umutware/kazi adahari.

Inzego n ibimenyetso biranga abatware/kazi

kimwe n indi miryango ,umuryango w abasaveri ufite inzego ,kandi izi zikagira abayobozi,buri rwego ruyoborwa n umutware mu bahungu no mu bakobwa umutwarekazi,buri mutware agira umwungirije bita umufasha .ntabwo rero tuyoborwa na perezida nk amashyirahamwe kugeza uyu munsi keretse bwemejwe n inama y igihugu .

imbonerahamwe irerekana ibimenyetso byambarwa n Abatware/kazi kuri buri rwego

URWEGO	IZINA MU KINYARWANDA	IZINA MU GIFARANSA	KU NTUGU	UMUGOZI
Inteko	Umutware/kazi w inteko	Chef/Cheftaine d equipe(CE)	Udushumi tw ibara ry inteko ye	Umugozi w umweru mu ijosi uriho ifirimbi yinjira mu mufuka ibumoso
	Umufasha w inteko	Second d Equipe (SE)	Udushumi tw ibara ry inteko ye
Itorero	Umutware/kazi w itorero	Chef/cheftaine de section (CS)	Udushumi dusa n ibara ry intera	Umugozi w umuhondo
	Umufasha w’itorero	Assistant de section (AS)	Udushumi dusa n ibara ry intera
Umutwe	Umutware/kazi w umutwe	Chef/cheftaine de groupe(CG)	Udushumi tw ibara ritukura	Umugozi utukura uvanzemo ibara ry umuhondo
	Umufasha w umutwe	Assistant du groupe(AG)	Udushumi tw ibara ry umuhondo	Umugozi utukura uvanzemo ibara ry umuhondo
Akarere	Umutware/kazi w akarere	Chef/cheftaine regional(CR)	Udushumi tw ibara ry icyatsi	Umugozi w icyatsi uvanzemo ibara ry umuhondo
	Umufasha w akarere	Assistant regional(AR)	Udushumi tw ibara ry umuhondo	Umugozi w icyatsi uvanzemo ibara ry umuhondo
Diosezi	Umutware/kazi wadiosezi	Chef/Cheftaine diocesain (AD)	Udushumi tw ibara ry isine	Umugozi w isine na zahabu
	Umufasha wa diyosezi	Assistant diocesain(AD)	Udushumi tw ibara ry umuhondo	Umugozi w isine n umuhondo
Igihugu	Umutware/kazi W igihugu	Chef/Cheftaine national (CN)	Udushumi tw ibara ry ubururu	Umugozi w ubururu uvanzemo ibara ry umuhondo
	Umufasha w igihugu	Assistant national(AN)	Udushumi tw ibara ry ubururu	Umugozi w ubururu na zahabu

 Buri mugozi wambarwa (cordeliere)haba ku mutware w inteko ,umufasha cya umutware/kazi uba uriho ifirimbi,abatware b inteko bawambara mu ijosi naho abasigaye bawushyira ku rutugu rw ibumoso.udushumi twambarwa ku ntugu zombi.kirazira kwambara ikimenyetso cy urwego utayobora.kuba mu nteko kugera mu mutwe udushumi tuba dufite cm3 ,naho kuva mu karere kuzamura udushumi tuba dufute cm 6.

Ibi ni bimwe muri byinshi kandi byiza wasanga mu gitabo cyitwa ABASAVERI MU RWANDA cy’umuryango w abasaveri mu Rwanda.